Sikuki Nuuk Harbour A/S, Illersornissaqarfik aamma Namminersorlutik Oqartussat isumaqatigiissuteqarput, Nuummi umiarsualiviup allissutissartaani Illersornissaqarfik salliutinneqassasoq. Manna tikillugu qallunaat illersornissaqarfiat, umiarsualivimmi ulapaarfiusumi umiarsuarnik takornariartaatinik kilisaatinillu inissamik katussisariaqartarpoq, tamannalu Illersornissaqarfiup ataqatigiissaarineranut annertusiartortumik ajornartorsiortitsileriartorpoq.
Umiarsualivimmik allilerinissami talittarfik 350 meterinik ilaneqassaaq, Nuummilu talittarfinnik amingaateqarnermut oqilisaataassalluni. Talittarfiup tallissutissaa 150 meterisut takissuseqartussaq marloqiusamik atorneqarsinnaasutut sananeqassaaq, tassani Illersornissaqarfik salliutinneqassalluni, atortulli allanit atorneqarsinnaasassallutik Illersornissaqarfiup nakkutilliissutaasa angalanerisa nalaani.
Suleqatigiinnikkut upalungaarsimaneq aamma Kalaallit Nunaanni imaatigut attaveqaasersuutit nukittorsarneqassapput, imaanilu inuussutissarsiuteqarnermut iluaqutaassalluni.
Sikuki Nuuk Harbour A/S