Nuuk, 23. maaji 2025 – akileraarutit akilereerlugit 17,5 mio. koruuninik naammaginartumik angusaqarluni Sikuki Nuuk Harbour A/S-ip periusissiornikkut siunnerfini attatiinnassavaa, tassa inuiaqatigiit ineriartornerannut inuussutissarsiuteqarnermullu Nuummi umiarsualiviup qitiusumik ingerlatitsisuunissaanik qulakkeerinninnissaq. Ukiumoortumik ataatsimeersuartoqareermat ingerlatseqatigiiffiup siulersuisui qinigaaqqipput.
Allilerisoqarnissaanik pisariaqartitsineq sulianit uppernarsarneqartoq
Ukiup ingerlanerani sulissutigineqarsimasut ersarissumik takutippaat, umiarsualivimmi atuuttunik atortulersuuteqarneq ilungersunartorsiornartumiittoq. Aalisarnikkut inuussutissarsiorneq, umiarsuit takornariartaatit tikittartut amerlipiloornerat aammalu nunat tamalaat akornanni mittarfissap Nuummiittup ammarnera, taakku ataatsimoorlutik umiarsualiviup suliaqarsinnaassusaanut artukkiinerulersimapput. Taamaattoqarneranilu allilerinissaq umiarsualiviullu atortulersuutimigut nutarsaasariaqarnera pisariaqartinneqartut uppernarsarneqarpoq.
Umiarsualiviup allilerneqarnissaanut siullermik suliariumannittussarsiuunneqarnerata taamaatinneqarnerata kingorna, tunaartalimmik suliniutip aaqqissugaanera eqqarsaatigeqqillugu suliariumannittussarsiuuteqqinnissaalu siunertaralugu massakkut Sikuki sulissuteqarpoq. Tamatumunnga ilutigitillugu atortulersuutinik nutaaliaasunik, Nuummi umiarsuit takornariartaatit ilaasuminnik paarlaassineranni atorneqartartunik, ineriartortitsineq aallartinneqarpoq.
Nunatta imartaani ineriartortitsinermi atuuffik siammasissoq
Nunatsinni inuiaqatigiinnut Sikuki siammasissumik atuuffeqarpoq. Nuummi Umiarsualivimmik ingerlatsisuunermi saniatigut, ingerlatseqatigiiffik aamma Kangerlussuarmi umiarsualiveqarnermi ingerlatsisuuvoq. Taakku saniatigut Sikukip imarsiornikkut suliat pingaarutillit arlallit ikorfartugarai – aalisarnermiit takornariartitsinermi nassiussanik assartuinermut – taakkulu marluullutik immikkut Kalaallit Nunaata aningaasaqarneranut inuiaqatigiinnilu aaqqissuussaanermut sukarsuupput pingaarutilittut inissisimasut.
Nunat tamalaat soqutiginnileriartuinnarnerat aammalu silaannakkut imaatigullu angallassinerit pitsaaneruleraluttuinnarneri ilutigalugit, Kalaallit Nunaata nunarsuarmut
tamarmut attaveqarnera avataaniillu pisariaqartitat naammassineqarnissaat nukittorsarniarlugit Sikuki sulivoq.
Siulersuisut qinigaaqqittut
Ataatsimeersuarnermi siulersuisut tamarmiullutik qinigaaqqittut tassaapput:
- Steen Montgomery-Andersen, siulersuisuni siulittaasoq
- Heidi Jeremiassen, siulersuisuni ilaasortaq
- Ujarak Rosing Petersen, siulersuisuni ilaasortaq
- Marie-Louise Frederiksen, siulersuisuni ilaasortaq
- Thomas Bendtsen, siulersuisuni ilaasortaq
Annertunerusumik paasissutissanik pisariaqartitsinermi attaveqarfissaq:
Sikuki Nuuk Harbour A/S
[email protected] – +299 31 40 30