Pilersaarusiornermut sunniuteqarsinnaaneq aningaasaqarnermullu tunngasunik suliaqarneq nuannarivigit? Aqutsinermik, malitseqartitsinermik nalunaarusiortarnermillu tunniussaqarsinnaavit? Misissueqqissaartumik, aaqqissuulluakkamik paasissutissallu tunngavigalugit suleriaaseqarpit, paasissutissallu tunngavigalugit aalajangiisarneq sungiusimallugu? Taava Sikuki Nuuk Harbour A/S aningaasaqarnermut pisortamik nutaamik pissarsiorpoq.
Maanna aningaasaqarnermut pisortarisarput soraarninngortussanngormat, suliffeqarfimmi tamat sunniuteqaqataaffigisinnaasaanni, pitsaasunik suleqateqarfiusumi sulinermilu pitsaasunik avatangiiseqartumi aningaasarnermut pisortassamik nutaamik pisortaanermut attaveqartussamik pissarsiorpugut.
Atorfik soqutiginartoq namminersorfiullunilu akissaaffeqarfiusoq
Atorfik soqutiginartoq namminersorfiusorlu annertuumillu akisussaaffeqarfiusoq pineqarpoq. Pingaarnertut suliassatit tassaassapput suliffeqarfiup aningaasaqarneranik ulluinnarni aqutsineq, malitseqartitsineq nalunaarusiortarnerlu, kiisalu ingerlatseqatigiiffimmi pissutsit pingaarnerusut pillugit pisortamut siulersuisunullu ikiuuttarneq.
Aammattaaq allaffissornikkut systemit inerisarnissaat pitsanngorsarnissaallu, kiisalu siunissami ESG pillugu nalunaarusiortalernissatta piareersarnissaanut annertuumik akisussaaffeqassaatit.
Nersuerpaluttumik, kajumilersitsisumik peqataatitsisumillu aqutseriaaseqarputit, taamaattumillu ataqatigiissitsinissaq iluatsittarpat – illit suleqatigiinni aammalu aaqqissuussaaneq akimorlugu.
Atorfik siammasissunik suliassaqarfiuvoq, suliassallu aningaasaqarnermut immikkoortortaqarfimmit akisussaaffigineqartut assigiinngiiaartupilussuupput, soorlu assersuutigalugit:
- Piffissap ilaanut naatsorsuusiorneq missingersuutinullu malitseqartitsineq
- Naatsorsuutinut allattuineq akiliutillu kiisalu suleqatigisanut attuumassuteqartunut attaveqarneq
- Immikkut ittumik isumaqatigiissutinut akiligassiissusiorneq Namminersorlutillu Oqartussanut umiarsualivinnut akitsuutinik akiliuteqartarneq
- Missingersuusiorneq ukiumoortumillu nalunaarusiorneq
- Akissarsialerineq
- Sillimmasiisartumut, aningaasalersuisartunut, kukkunersiuisunut pisortanilu oqartussanut attaveqarneq
- Ingerlatseriaatsinik systeminillu pitsanngorsaaneq inerisaaqqinnerlu
- ESG pillugu paasissutissanik katersisalernissamut nalunaarusiortalernissamullu piareersaateqarneq
- Pisortaqatigiit suliakkiissutaannik takkussortunik suliaqarneq
Atorfimmut piukkunnarnerpaaq immaqa ingerlaqqiffiusumik ilinniagaqarpoq kiisalu naatsorsuuserinermut pisortatut imaluunniit aningaasaqarnermut pisortatut ukiuni arlalinni sulisimanerminik misilittagaqarluni.
Suliassat akuuffiginissaat kissaatigivat ingerlatsinerullu aamma allaffissornerup ataqatigiissinnissaat qulakkeerusullugu, aamma pilersaarusiornikkut ingerlatsinerit paasissutissanik, kisitsisinik immersuutinillu tunniussaqartarnikkut pissusissamisoortumik peqataaffigisarpatit.
Allaffissornermi systeminik aamma Office-pakkemik ilusilersorluakkamik aaqqissuulluakkamillu sulisarputit, aamma misissueqqissaartuuvutit ajornartorsiutinillu pisariusunik suliarinninnissat sungiusimallugu.
Aammattaaq piginnaasat makku salliutinneqassapput
- Excelimik atuilluarsinnaaneq ajornanngippallu NAV2016-ip aamma/imaluunniit Business Centralip misilittagaqarfiginerat
- Aningaasaqarnermut, akiligassalinnut akiligassaqarfigisanullu naatsorsuuserinermik misilittagaqarneq
- Ingerlatseriaatsinik paasissutissanillu pitsanngorsaanermik ataqatigiissitsinissamillu suliaqarnermik misilittagaqarneq
- Akissussaaffimmik pitsaassutsimillu pingaartitsisuuvutit, aamma suliaqarfigisanni ilisimasanik nutaanik pissarsinissat pingaartitarivat
- Aqutsineq misilittagaqarfigivat
- Piffissaliussanik eqquutitsisinnaavutit
- Nutaaliullaqqissuuvutit ilungersuussillaqqissuullutillu, suleriallaqqissuuvutit peqqissaartuullutillu
- Suleqatitsialaavutit ilisimasannillu allanut ilinniartitserusussuseqarlutit
Neqeroorutigaagut
- Atorfik soqutiginartoq, atorfiup imarisassaanut nammineerlutit sunniuteqarnissamut periarfissaqartinneqarlutit
- Ullut suliffiusut assigiinngiiaartut, nammineerlutit ilusilersueqataaffigilluarsinnaallugit
- Sukumiisumik suliassanut ikaarsaartitsineq suliffeqarfimmillu ilisarititsineq
- Siulersuisut ataatsimiinnerini peqataasarneq
- ISO standardit 9001, 14001 aamma 45001 naapertorlugit aqutsinermut aaqqissuussineq allagartaqarnerlu
- Suleqatit pikkorissut tunniusimalluartullu. Suleqatigiit pisinnaasaminnik piginnaasaminnillu aaqqissuussaaneq akimorlugu imminnut ikioqatigiittartut. Aningaasaqarnermut immikkoortortaqarfimmi sulisut marlunnut amerlassusiligaapput
- Aaqqissuussaaneq tamat toqqaannartumik sunniuteqaqataaffigisinnaasaat
- Inuttut suliatigullu ineriartornissamut periarfissat pitsaasut
- Soraarnerussutisiaqalernissamut peqqissutsimullu aaqqissuussineq
- Pigisat nuunneqarnerat akilerneqassapput
- Piginnaasat naapertorlugit akissarsiaqartitsineq
Soqutiginartippiuk?
Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299583117-imut imaluunniit e-mailikkut [email protected] attaveqarfiginissaanut tikilluaqqusaavutit
Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.
Atorfik pillugu allanik apeqqutissaqaruit, pisortaanerup John Rasmussen [email protected]-ikkut attaveqarfiginissaanut tikilluaqqusaavutit.
Tusarfiginissat qilanaarivarput.