Sikuki Nuuk Harbour A/S, KJ Greenland A/S peqatigalugu atsiornikkut isumaqatigiissusiorput Nuummi umiarsualivik allisinnissaanut. Isumaqatigiissut Nuummi umiarsualivik pisinnaasaanik annertusaasussamik kiisalu umiarsualiviup nunatsinni pilersuinermi, avammut tunisinermi aammalu imarsiornikkut ingerlatsinermi pingaarutilimmik suliniut killiffianut malunnartitsivoq.
Nuummi umiarsualivik katillugit allisinneqassaaq 350-meterinik, nutaamik talittarfissamik pilersitsinermik imaqassaaq. 200 meteri trawlerterminalimut, kiisalu 150 meteri dual-use sakkutuut talittarfissaanut atorneqassaaq. Pilersaarusiaq naatsorsuussaavoq november 2028-mi naammassineqarnissaanut.
“Tulluusimaarutigaarput isumaqatigiissut inissimmat KJ Greenland A/S peqatigalugu. Nuummi umiarsualivik ineriartortinnissaanut killiffik pingaarutilik. Umiarsualiviup pisinnaasaai annertusissapput tamannalu inuussutissarsiortunut, aalisarnermut, pilersuinermut, upalungaarsimanermut, atuisuusunut pissarissaarnerulersitsissalluni – Kalaallit Nunaannut tamanut iluaqutissaq,” oqarpoq John Rasmussen, Sikuki Nuuk Harbour A/S-imi pisortaaneq.
KJ Greenland A/S-imi aamma suliniummi suleqatigiinnissartik qilanaarineqarpoq.
“Nuannaarutigaarput Sikuki peqatigalugu atsiornikkut isumaqatigiissusiornemut killikkatta, suliassarput Nuummi aammattaaq Kalaallit Nunaannut iluaqutissaq. Umiarsualivik allisinnissaanut sanaartornermi pingaaruteqaqisoq. Qilanaarivarput Sikuki suleqatiginissaanut, siunissami qulakkeerinnittumik atuisunut tamanut iluaqutissaanik piviusunngortitseqataanissarput,” oqarpoq Mads Nørgaard, KJ Greenland A/S-imi pisortaq.
Nuummi umiarsualivik allisinneqarnissaanut peqquteqarpoq inissaaleqineq pisariaqartitsinerup annertusiartornerani tunngavigalugu, inuussutissarsiornermut umiarsuit, kilisaatit tunisassiorfinniit sulisut, takornariartaatinik angallatit, upalungaarsimanermut, kiisalu pilersuinermut suliassat ukiuni kingullerni umiarsualivimmi maanna atorneqartumi annertuumik artukkiineranik kinguneqartitsisimallutik.
Attaveqarfissat:
Sikuki Nuuk Harbour A/S
Pisortaaneq John Rasmussen
[email protected] / +299 55 37 50
Siulersuisunut siulittaasoq Steen Montgomery-Andersen
[email protected] / +299 55 94 50
KJ Greenland A/S
Pisortaq Mads Nørgaard
[email protected] / +299-583381
Siulersuisunut siulittaasoq Karl Jensen
[email protected] / +299-583380