Umiarsuit takornariartaatit tikerarfianni, 2023-imi umiarsuaq takornariartaat kingulleq 26. september aallarpoq. 2024-imi taama amerlatigisut aamma naatsorsuutigineqarput.
Umiarsuit takornariartaatit katillugit 67-it tikissimasut Nuummi aasaanerani ulapputaapput, umiarsuit tikerartussanngorneranni 77-it inniminniisimapput, taakkunannga 10-it sila aamma pilersaarutit allanngorneri peqqutaallutit taamaatitsisimallutik. 52.27%-inik tikittut 2022-imiit qaffasinnerupput, Sikukimiillu umiarsuit takornariartaatit amerlaqatai 2024-imi tikinnissaat naatsorsuutigaat.
”Umiarsualiviup pisut ukioq mannatut taama annertutigisut nammassinnaassagunigit aalajaaffiusariaqarpoq. Kissaatit tamarmik tunniunneqarsimasinnaanngillat, ilaanneeriarluta umiarsuit takornariartaatit kisaqqusarsimagaluarlugit, ikaartaatinillu umiarsualivimmut atueqqusarsimagaluarlugit, umiarsualiviup piumaneqartut tamangajalluinnaasa tunniussinnaasimavai.” –Lars Erik Bengtsson, Sikukimi Umiarsualivimmi Aqutsisoq oqaluttuarpoq.
Aasaanerani, Sikukimiit takornariartaatileriffiup nalaannimik taaneqartartumi, ulloq unnuarlu pisoqaannaavissimavoq, ilaannikkullu angallatit allat tikerartut saniatigut, umiarsuit takornariartaatit pingasut ataatsikoortarsimallutik.
Tikerarfiusoq ukioq manna 2. juni aallartippoq, marlunngornermilu 26. september umiarsuaq takornariartaat kingulleq tikittoq naggataarutaalluni
”Umiarsualivik sullissisartullu akornatsinni pitsaasumik ataqatigiissaarisariaqartarpugut attaveqaqatigiillutalu. Suleqatigiilluarsimaqaagut. Ulluinnarni immitsinnut attaveqaqatigiittarsimavugut, nalilersuiinnaavittarlutalu, qanoq iliornikkut umiarsuit takornariartaatinut aamma umiarsualivimmik atuisunut allanut eqaannerulersitsisinnaanerluta.” Lars Erik Bengtsson ilanngussivoq.
Umiarsuit takornariartaatinut sullissisartunut Eimskip Greenland aamma Blue Water Greenland qanimut suleqatiginninnikkut eqaattunik aamma amerlanertigut pitsaanerusunik aaqqiissutinik Sikukimut nassaarfiusarsimavoq.
”Suliassatta naammassinissaanut ataqatigiissarneri suleqatigiilluarnitsigut nassaarisimavagut. Kinguaattoortoqartillugu, umiarsuarluunniit assigiinngittunik peqquteqarluni siusinnerusukkut imaluunniit kingusinnerusukkut tikittussanngortilluni umiarsualivik aaqqiillaqqippoq. Uatsinnut taquassanik allanillu sullississutitsinnik tunniussisinnaanissarput, saniatigullu aamma umiarsuit minnerusut ilisimasassarsiortartut orsernissaminnut piumasaqartartunut tunniussisinnaanissarput pingaaruteqarpoq.” – Gorm Diernisse, General Manager, Eimskip Greenland.
Blue Water Greenlands Port Agency Manager, Lærke Arendrup Kyvsgaard taamatuttaaq oqaluttuarpoq: ”Ukioq manna aatsaat taama takornariartaatilerinermi ulappuffiutigaaq, juli augustilu ingasattumik assut arpaffiupput. Taamali immikkut ulapitsigigaluarluta, unamminartut takkuttaraluartut, Kalaallit Nunaanni umiarsualivimmi sullissisuuneq, ingammik Nuummi immikkuullarissuteqarpoq, qanittumik suleqatigisartakkat aamma oqartussaasunik suleqateqarneq, isumalluutillu pineqarsinnaasut atorlugit tikittussat pitsaanerpaamik tikisinniartarlutigit.”
Ukiup tullissaanut takornariartaatilerinissamut piareersarneq
2024-imut maannamut tikittussat 58-it inniminneereerput. Sikukimullu ilimanarsereerpoq 2023-imitulli amerlatigisut tikittussaassasut. 2025-imiillu mittarfik nutaaq ammarpat, Sikuki tikittussanik amerlanerusunik naatsorsuuteqarsinnaassaaq, taamaattoqarneratalu umiarsualiviup suli annertunerusumik tigusisinnaassusaa sukataartilersinnaavaa.
Atlantkaji tassani pineqarneruvoq, umiarsuit takornariartaatit anginerusut aamma kilisaatit tikittarfigisaanni, takornariartaatileriffiup nalaani, tigusisinnaassusaa maanna killissaminiittarpoq, sapaatip akunneratalu ingerlanerani amerlasooriaq takornariartaatit tikinnissaanut aamma kilisaatit usingiaanissaanut piareersarnerpassuaqartarpoq.
Nuup umiarsualiviani kisitsisit – Umiarsuit takornariartaatit
| 2022 | 2023 | 2024 | 2025 | |
| Umiarsuit takornariartaatit tikittut | 44 | 67 | ||
| Taamaatitsinerit | 20 | 10 | ||
| Aallartiffimmi inniminniisimasut | 64 | 77 | 58 | 43 |
| Piffissap aallartinnera | 30/6 | 2/6 | 16/4 | 5/4 |
| Piffissap naanera | 15/9 | 26/9 | 21/9 | 17/9 |
Sikuki pillugu
Sikuki Nuummi, Kangerlussuarmilu umiarsualivimmi pisortaqarfiuvoq, umiarsualiviillu niuernerpalaartumik ingerlanneqarput.
Sikuki umiarsualivinni atuisunut umiarsualivinni sullissisuuvoq aamma umiarsualivinni periarfissiissutissiisarpoq, ilaatigut makkua sullitaralugit kilisaatit, pajuttaatit, umiarsuit takornariartaatit, yachtsit, aalisariuteeqqat, angallassisartut – Sikukimi suliamut piginnaasaqarneq, suleqatigiinneq aamma sullissineq qaffasissumik pingaartinneqarpoq.
www.sikuki.gl -imi umiarsuit tikiffissai takuneqarsinnaapput.
Paasissutissanik amerlanerusunik paasiniaaffissaq:
Naasunnguaq Lennert Kardel
Communications and administrative coordinator